Ысык-Көлдөгү бир катар мамлекеттик пансионаттар өз маалында өлкө аймагындагы эс алуу жайларынын көч башында келген эле, акыркы жылдары алардын иши өтө солгундап кетти. Мамлекеттик мүлктү башкаруу фонду ушул багытта иштиктүү чараларды көрүп, абалды оӊдошу зарыл. Бул тууралуу депутат Акылбек Жамангулов Жогорку Кеӊеш жыйынында билдирди.

«Взморья», «Аврора» сындуу ири эс алуу жайларынын жылдык кирешеси 500-600 миӊ сомдун тегерегинде экен. Ушул дагы кирешеби? Жакшы иштете билсе, мынча акчанын 5 күндө эле чогултуп койсо болот. Башка пансионаттар чоӊ киреше таап жатышпайбы. Ошондуктан, алардын жетекчилерин алмаштырыш керек же ижарага бериш керек. Азырынча аларды оӊдоонун мындан башка жолу жок», - деди эл өкүлү.

Булак:NazarNews