Бүгүн Жогорку Кеңештин жыйынында депутат Жусупбек Коргонбай уулу өлкөбүз кыргызстандыктарды чет өлкөдө жумуш менен камсыз кылып жатканын айтып мактанбоого чакырды. Эл өкүлүнүн айтымында, жумуш орундарын мекенде түзүү керек.

Кыргызстанда завод-фабрикаларды ачып, жумуш орундарын түзсө болобу? Анан кантип жасоо керек? Бул суроолор менен Vesti.kg сайтынын редакциясы Жусупбек Коргонбай уулунун өзүнө кайрылды.

"Кыргызстанда олигархтар көп, алардын айрымдары чет өлкөдө качып жүрөт», - деп жооп берди парламентарий. — Эгерде биз ыңгайлаштыруунун ордуна “качкындарга” шарттуу түрдө сунуш берсек, мисалы, беш жылдын ичинде аймактарда ири өнөр жай объектилерин куруп, он миңден ашык иш жүзүндө жумуш орундарын түзөлү десек, анда алар күнөөсүн кечирди деп эсептейбиз ата-журту алдында. Алардын көбү макул болот деп ишенем. Мен бул идеяны ойлоп тапкан жокмун – бул дүйнөдө практикаланып, өзүнүн оң натыйжасын берип жатат. Эмне үчүн бул идеяны альтернатива катары кароого болбойт? Олигархтар акчасын башка мамлекеттердин экономикасына салгандын ордуна өз өлкөсүнүн экономикасына инвестиция салышсын. Болгону аларга кепилдик бериш керек, эгерде шарттар аткарылса, аларга эч ким тийишпейт деп", - деген пикирин айтты эл өкүлү.

Кошумчалай кетсек, Коргонбай уулу социалдык түйүндөргө тарап кеткен мурунку билдирүүсүндө жаңылбаганына ишендирди. Тактап айтканда, кеп анын Жогорку Кеңештин жыйынында айрым жарандар казиного «через задний проход» кирип кетишпесин деген билдирүүсү жөнүндө болуп жатат. Бул билдирүү парламент жыйынынын катышуучуларын жана көптөгөн кыргызстандыктарды таң калтырды.

«Кыргыз тилинде өтө орой угулат, орусча бир аз жумшагыраак. Социалдык тармактарда көптөр эмнегедир «арткы эшиктен» деп айткым келди деп ойлоп жатышат, бирок жаңылыштык болгон эмес», - деп билдирди депутат.