www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
АКШ президенти Джо Байден менен вице-президент Камала Харрис 7-июлда Кошмо Штаттардын коопсуздук кызматтарынын кибер чабуулдарга каршы туруу аракеттерин талкуулаганы жатат.
Ак үйдүн басма сөз катчысы Жен Псаки бул жыйын Орусиядан жасалганы болжонуп жаткан үчүнчү ири кибер чабуулга жооп иретинде өткөрүлүп жатканын 6-июлда билдирди. Ал АКШ менен Орусиянын президенттеринин өткөн айдагы саммитинде маселе тууралуу сөз болгонун белгилеп, президент Байдендин позициясын кайталады.
"Эгер орус өкмөтү Орусиядагы кылмышкерлерге каршы чара көрө албаса же көрбөй турган болсо, биз чара көрөбүз же өз алдынча кадам таштоо укугубузду сактап калабыз", - деди Псаки.
Бирок АКШ кандай чара көрө аларын ачык билдире элек. 6-июлда президент Байден хакердик чабуулдардан америкалык ишкаларга анчейин көп зыян келбегенин, бирок жакынкы күндөрү бул тууралуу билдирүү жасай турганын айткан.
2-июлда Кошмо Штаттардагы Kaseya аттуу IT кызматтарын сунуштаган компания кибер чабуулга кабылган. Анын кесепети дүйнөнүн кеминде 17 өлкөсүндөгү 1500дөй ишканага тийген. Хакерлер жабырлануучулардын санарип маалыматына бөгөт коюп, андай чектөөнү алып салыш үчүн 70 миллион доллар талап кылган. Эксперттер бул чабуулдун артында орусиялык REvi хакерлер тобу турганын айтып жатышат. Орус бийлиги хакердик чабуулдарга тиешеси жок экенин билдирип келет.
Булак: NazarNews.kg
< Предыдущий
Следующий >
Последние новости
