Экономика министринин кеңешчиси Айнура Жакыпова Түштүк Кореяга семинарга барып, бирок командировкасынын 10 күнүн окууга катышпай эле, көзүнө сурма жасатып өткөргөн. Мындай маалыматты семинар уюштуруп кыргыз чиновниктерин Сеулга чакырган KOICA уюмунун кызматкерлери депутат Аида Касымалиевага билдиришкен. Айнура Жакыпова Экономика министринин коомдук башталыштагы кеңешчиси.

Кеңешчи айымдын командировканы жеке максатта пайдаланганы тууралуу бул маалыматты депутат Twitter аркылуу таратты. Аида Касымалиева кечээ парламентте Эмгек жана социалдык өнүктүрүү министри Таалайкүл Исакунова менен анын орун басарлары Лунара Мамытованын жана Зууракан Каденованын мамлекеттик бюджеттин эсебинен чет элдерге көп жолу үй-бүлөлүк саякаттарга чыгышканы тууралуу маалыматтарды жарыялаган.

Булак: NazarNews.kg