www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Грециядагы токойлордун өрттөнүүсүнөн улам аянтынын кеңдиги боюнча Криттен кийинки орунда турган Грециянын Эвбея курорт-аралынан 2 миңден ашуун адам коопсуз жайга көчүрүлдү. Бул тууралуу BBCнин орус кызматы жазды.
Грециянын дээрлик көпчүлүк аймактарындагы токойлорду өрт жалмап баратат. Алардын эң күчтүүсү Эвбея аралында болууда. Ал жердеги тилсиз жоо менен кармашууга жүздөгөн өрт өчүрүүчү, аскер кызматкери, 17 учак жана тик учак жөнөтүлгөн.
Акыркы маалыматтар боюнча Грецияда 3-августта башталган өрт 56 миң гектардан ашуун аянттагы токойду чарпкан. Мунун башкы себеби катары күндүн өтө ысып кеткенин, айрым аймактарда абанын температурасы 47 градустан да ашканын айтышууда жергиликтүү бийлик.
Белгилей кетсек, мындай өрт Грециядан тышкары Албания, Болгария, Түндүк Македония, Түркия, АКШнын Калифорния штатынын, Орусиянын чыгышы Якутиянын да токойлорун каптап жатат. Учурда Якутиянын борбордук бөлүгүндөгү Баяс-Көл айылында 30дан ашык үй өрттөнүп, айыл эли башка жактарга көчүрүлгөн.
Табият кырсыктарынын байма-бай болуп жатышын технологиянын өнүгүшүнөн, адамдын ишмердигинен көрүшүүдө серепчи-адистер.
Булак: NazarNews.kg
< Предыдущий
Следующий >
Последние новости
