Бүгүн, 5-февралда премьер-министр Улукбек Марипов Алматыга жасаган иш сапарынын алкагында Беларусиянын өкмөт башчысы Роман Головченко менен жолугушту.

Тараптар кыргыз-беларус кызматташтыгынын ар тараптуу багыттарын, эки өлкөнүн экономикалык алакасын талкуулашты.

Головченко Мариповду Кыргызстандын өкмөт башчысы болуп дайындалышы менен куттуктады.

Жолугушуунун жыйынтыгында өкмөт башчылар жакынкы аралыкта Бишкекте соода-экономикалык, илимий-техникалык жана маданий кызматташтык боюнча кыргыз-беларус бизнес форумун өткөрүүгө макулдашты.

5-февралда Кыргызстандын премьер-министри Улукбек Марипов Евразиялык өкмөттөр аралык кеңешинин Алматыда өтө турган кезектеги жыйынына катышат. Анда өкмөт башчынын Армения, Беларусия, Казакстан, Орусия жана Өзбекстандын премьер-министрлери менен жолугушары күтүлүүдө.

Марипов андан тышкары, «Almaty Digital Forum-2021» эл аралык форумунун ишине дагы катышат.

Булак: NazarNews.kg