Президент Эммануэль Макрон жаңжал башталгандан бери биринчи жолу Газа тилкесинде "ок атышууну токтотуу үчүн аракет кылууга" чакырып, Франциянын уланып жаткан трагедияга карата дипломатиялык позициясынын олуттуу өзгөргөнүн белгиледи.

Эммануэль Макрон: «Жакынкы аралыкта жарандарды коргоо үчүн аракет кылышыбыз керек. Бул абдан тез гуманитардык тыныгууну талап кылат жана ок атышууну токтотуу үчүн иш-аракеттерди жүргүзүшүбүз керек», - деген Эммануэль Макрон, «Бул мүмкүн болушу керек», - деп айтты.

Макрон Газа тилкесиндеги жарандардын корголушу «абсолюттук зарыл» жана адам өмүрүнүн корголушу темасында кош стандарттын болушу мүмкүн эмес экенин баса белгилеп, «Муну талкуулоого болбойт»,-деди.

Макрон Израилдин "өзүн жактоо укугу жана өз элин коргоо милдети" бар экенин дагы бир жолу кайталап, Израиль өкмөтүнүн да "мыйзамды сыйлоо жана жарандарды коргоо үчүн маанилүү (...) жоопкерчилиги» бар экенин айтты.

Президент, бир айдан ашык убакыттан бери бомбалоолорго жана толук курчоого алынган Газадагы гуманитардык абалдын «күн сайын начарлап баратканын» баса белгиледи.

Макрон ошондой эле өлкөсүнүн быйыл Палестина элине гуманитардык жардам үчүн кошумча 80 миллион евро бөлүп, жардамдын жалпы көлөмүн 100 миллион еврого жеткирээрин жарыялады.

Бир тараптан Бириккен Улуттар Уюмунун баш катчысынын гуманитардык иштер боюнча орун басары Мартин Гриффитс: «Гуманитардык тыныгууга муктаждыгыбыз бар. Гуманитардык максатта куралдардын үнүн басышыбыз керек», - деди.