Кыргызстандын Футзал боюнча курама командасы, бүгүн, 25-октябрда 2020-жылкы Азия чемпиондугунун тандоо турунун алкагында Иран курамасы менен беттешет. Беттеш Бишкек убактысы боюнча саат 20:30да башталат.

Белгилей кетсек, турнир Ирандын Тебриз шаарында өтүп жатат.

Кечээ, 24-октябрда Кыргызстандын курамасы Түркмөнстандын курамасын 3:2 эсебинде жеңген. Бул жеңиши менен курама командабыз Азия чемпиондугуна жолдомо ала алды. Иран менен болгон беттештин жыйынтыгы буга таасирин тийгизбейт.

Булак: NazarNews.kg