Коронавирус дүйнөгө тарап кеткенден бери “Кыргыз өлкөсүнүн аймагына коронавирус менен жабыркаган жарандар келип жатат",-деген жалган маалыматтар ватсап аркылуу тарап кетип жатат.

Бул жолкусунда мессенджерлер аркылуу "Кыргызстанга келген Немис жараны коронавирус менен жабыркай турганы аныкталды, ал инфекциялык ооруканада жатат",-деген билдирүүлөр тарады.

Бул тууралуу Саламаттыкты сактоо министрлиги Немис жараны келгенин ырастап, бирок андан коронавирус аныкталбаганын, бул жалган маалымат экенин маалымдады. “Ал Германиядан келген жаран коронавирус менен жабыркабайт, анын диагнозу башка”, -деп билдирди министрликтен.  

Булак: NazarNews.kg