www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Грекияда мөөнөтүнөн мурда өткөрүлгөн парламенттик шайлоодо оппозициядагы оңчул-борборчул «Жаңы демократия» партиясы эң көп добуш алды.
Өлкөнүн Ички иштер министрлиги добуштардын 90 пайызы саналып бүткөндөн кийинки жыйынтыкка ылайык, «Жаңы демократияны» шайлоочулардын дээрлик 40 пайызы колдогонун маалымдады.
Премьер-министр Алексис Ципрастын «Сириз» партиясына болсо 31,6 добуш тийди.
Ортодо айырма өтө чоң болбогону менен, «Жаңы демократия» парламентте эми көпчүлүктү түзөт, анткени ага кошумча 50 орун тийди.
Грек өкмөт башчысы оппозициялык партиянын лидери Кириакос Мицотакисти жеңиши менен куттуктады. Ал жакын арада «Жаңы демократиянын» төрагасына ыйгарым укуктарын өткөрүп бермекчи.
Грекияда мөөнөтүнөн мурда парламенттик шайлоо өткөрүү тууралуу чечимин премьер-министр Ципрас 26-майда, анын партиясы Европарламентке болгон добуш берүүдө утулуп калгандан кийин жарыялаган.
Булак: NazarNews.kg
< Предыдущий
Следующий >
Последние новости
