Коронавирус менен ооруган чиновниктер эпидемиологдор менен дарыгерлерди алардын үйүнө келип, туугандарын текшерүүнү талап кылышууда. Бул тууралуу Бишкек шаарынын мэринин кеңешчиси Гуля Алмамбетова “Твиттердеги” баракчасына жазды.

Алмамбетованын айтуусунда, аткаминерлер саламаттыкты сактоо министрлигинен атайын койкаларды да талап кылышууда.

Эске сала кетсек, дарыгерлердин күнү-түнү шайы кеткиче иштеп, ооруга өзүлөрү да көп чалдыга баштаганын бүгүн, 26-июнда премьер-министр маалымдаган. Анын айтымында, дарыгерлердин тынбай иштеп жатканы жалпы саламаттык сактоо системасынын ишине залакасын тийгизүүдө, андыктан медицина кызматкерлеринин кадр резервин түзүп, аларды окутуу эң башкы маселелердин бири болууда.

Булак: NazarNews.kg