- Айрым учурларда дин боюнча ашынган пикирлер айтылып кетүүдө, «бир туугандар менен бир тууган үйлөнсө болот» дегендей. Маал-маалы менен соцтармактарда катуу талкуулар жүрүп келет. Мындай караңгылык, ашынган пикирлер келечекке коркунуч туудурбайбы?

- Баары мыйзам чегинде болушу керек. Биздин мыйзамыбыз бар. Динчил болсо да билимдүү, кеменгер адамдар коомго жат сөздөрдү сүйлөбөйт. Мисалы, нике боюнча азыраак токтоло кетейин. КРдин Үй-бүлө кодекси боюнча жакын туугандардын ортосунда никеге мүмкүнчүлүк жок. 15-статьядагы никеге турууга тоскоолдук болуучу жагдайларды айта кетсек, төмөндөгүлөрдүн ортосунда никеге турууга жол берилбейт адамдардын бирөөсү эле башка адам менен катталган никеде турса; жакын туугандарга;

бир ата-энеден төрөлгөн жана атасы же энеси бир эркек-кыз бир туугандарга асырап алуучулар менен асырап алынгандарга;

психикалык бузулуулардан бир эле адам сот тарабынан аракетке жөндөмсүз деп табылган адам болсо каралат. Мыйзам бузууга түрткөн күнөөлүү адамдар мыйзам чегинде жоопко тартылышы шарт.

Булак: Азия News гезити