Аз күн мурун КСДП фракция лидери Иса Өмүркулов президент Сооронбай Жээнбековго кирип, аппарат башчылыкка Мукан Абулгазиевди суранат да, өзүн премьер-министрлик орунга көрсөтүптүр.

Оор басырыктуу Соке кунт коюп угуп, бирок дароо чечимди кабыл албай, «бул маселе парламенттин колунда» дегендей ишарат жасайт. 

Кудуңдаган Иса байке ушул күндөрү Жогорку Кеңештин ичинен аракетин баштап, апрель айында өкмөт башчылыкка шайлануусуна кам көргөнү ыраспы?

ТЭЦтин ишин иликтеген коммиссиянын жыйынтыгы 1-апрелге чейин белгилүү болору, ал жактан коррупциялык схемалардын жарыяланышы менен Сапар Исаков ордунан ыргып кетсе, болжонгондой эле Өмүркуловду парламент колдосо, эмнеге өкмөт башына келбесин?

Булак: "Азия Ньюс"