Ирандын тышкы иштер министри Хосейн Амир Абдуллахиан Газа тилкесиндеги чабуулдар улана берсе, АКШ үчүн олуттуу кесепеттер болорун эскертти. Бул тууралуу “Рейтерс” агенттиги билдирди.

— "Газа тилкесиндеги согуш дароо токтотулуп, АКШ менен сионисттик режим тез чабуулдарын уланта берсе, анын кесепети оор болот", - деди министр.

Ошондой эле жергиликтүү басылманын маалыматына караганда, Ирандын Тышкы иштер министрлигинин басма сөз катчысы Насер Канани Американын Газадагы палестиналыктарды кырууда Израилди колдогондугун кескин сынга алды.

Канани Америка Кошмо Штаттарынын бул аракетин "текебердик" деп атады жана X тармагында Иран 13-күнүнүн "Дүйнөлүк текебердикке каршы улуттук күнү" деп белгиленгенин жарыялады.

— «Израиль акыркы 29 күндөн бери курчоого алынган аймакты абадан, кургактыктан жана деңизден бомбалап жатканын эске алсак, бул күндү «эл аралык жана глобалдык» иш-чарага айландыруу зарыл», - деди ал.

Кананинин айтымында, АКШ администрациясынын колдоосу менен Газада эзилген Палестина элине каршы согуш кылмыштары жана геноциддер жасалууда.

Ал ошондой эле Израил БУУнун Башкы ассамблеясындагы 120 өлкөнүн үнүн жана дүйнөнүн Газанын коргоосуз калкына каршы ырайымсыз кол салууларды токтотуу талабына көңүл бурбай жатканын кошумчалады.

Маалымат үчүн айта кетсек, Израилдин Газа тилкесине жасаган кол салууларынан жабыркагандардын саны 9 488ге жеткен.

Белгилей кетсек, буга чейин Түркия менен Ирандын тышкы иштер министрлери палестин-израилдик жаңжалды жөнгө салуу үчүн коопсуздукту камсыздоо идеясын колдоого макул болушкан.

Булак: NazarNews.kg