Кадырбек кызы Нуркыз Өкмөттүн Ош облусундагы ыйгарым укуктуу өкүлүнүн кеңешчиси болуп дайындалды. Буйрукка Ош облусунун башчысы Жарасул Абдураимов кол койду. Кадырбек кызы Нуркыз буга чейин 2018- жылдан бери Өкүлдүн маалымат кызматын жетектеп келген.

Эске сала кетсек, Кадырбек кызы Нуркыз 1978-жылы 5-апрелде Ош облусунун Кара-Кулжа районунда төрөлгөн. 1996-жылы мектепти артыкчылык менен аяктаган.                          

2001-жылы Ош МУнун  филология, 2012-жылы Ош мамлекеттик юридикалык институтунун укук таануу факультетин артыкчылык диплом менен аяктап, 2015-жылы КР дин Президентине караштуу башкаруу Академиясынын мамлекеттик жана муниципалдык башкаруу боюнча магистрлик ишин коргогон. 2015-жылы АКШ дан мамлекеттик департаментинин “Саясаттагы лидер айымдар” мектебинин окуп кайткан.

2001-жылы Ош МУ да окутуучу, 2002 –2009-жылы тарбия иштери, сырткы байланыштар  боюнча декандын орун басары болуп иштеген. 2000-жылдан бери “Эл ТР” КТРК сында эмгектенип, 2009-2014-жылдары  маданий-музыкалык көрсөтүүлөр бөлүмүндөгү продюссер катары эмгектенип, жападан жалгыз мамлекттик тил тууралуу «ТИЛИБИЗ-ТИРЕГИБИЗ”, Мамлекеттик баалуулуктарды ар тараптуу даңазалоочу «Арыба, Ата журт!» “Ишембиде кечинде”, “Асылзат” телепрограммаларынын автору жана алып баруучусу катары таанылган.

2009-2010-жылдары КР дин Президентине караштуу жаштардын Ош областтык мамлекеттик тил комиссиясынын төрагасынын орун басары катары тил жаатында эмгектенген.

2011-жылдан бери “Республикалык “Кыргыз тили” коомунун” түштүк аймагы боюнча жетекчиси, вице-президенти.

2010-2012-жылдары Ош облустук мамлекеттик администрациясынын байкоочу кеңешинин мүчөсү болгон.

2012-жылы Ош шаардык кенешинин 4-чакырылышынын эң жаш депутаты болуп шайланган.

2015-жылы “АСЫЛЗАТ” айымдар коомунун президенти болуп шайланган. 2015-2017-жылдары “7-канал” ТРК сынын Ош өкүлчүлүгүнүн жетектеген.

2017-2018-жылы жеке компанияда юрист, 2018-жылдын декабрь айынан бери КРдин Ош облусу боюнча ыйгарым укуктуу өкүлүнүн пресс-катчысы, 2019-жылдан бери Кыргызстан аялдар кеңешинин Ош облустук бөлүмүнүн төрайымы кызматын аркалаган. Ошондой эле Мамлекеттик кызматтын 3-класстагы кеңешчиси.

Булак: NazarNews.kg