www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Допингге каршы дүйнөлүк агенттик (WADA) орусиялык көркөм муз тебүүчү Камила Валиеваны кызытма эрежелерин бузган деп таап, төрт жылга дисквалификация кылууну, буга чейинки жыйынтыктарын жокко чыгарууну талап кылды. 16 жаштагы Валиева спортто тыюу салынган триметазидин препаратын пайдаланган деп шектелүүдө. Бул зат анын 2021-жылдын 25-декабрында алынган анализдеринен табылганы менен ал жөнүндө Бээжин Олимпиадасы жүрүп жаткан учурда белгилүү болгон.
Спорттук арбитраж соту (CAS) агенттиктин талабын канааттандырса, Валиева 2022-жылкы Орусиянын жана Европанын биринчиликтеринде алган алтын медалдарынан кол жууп калат. Ошондой эле Орусиянын көркөм муз тебүүчүлөрүнө командалык жарышта алган алтын медалдар тапшырылбай, чемпиондук наам АКШга берилмекчи.
Үстүбүздөгү сезондо Валиева Орусиядагы Гран-приде эки этапты жеңди. Орусиялык көркөм муз тебүүчүлөр Москва Украинага басып киргенден кийин эл аралык мелдештерден четтетилген.
Валиеванын иши боюнча чечим качан чыгары белгисиз.
Булак: NazarNews.kg
< Предыдущий
Следующий >
Последние новости
