Жогорку Кеңештин төрагасы Канат Исаев президенттин милдетин аткаруудан баш тартканын Садыр Жапаров 15-октябрда кечинде митингдеги тарапташтарына билдирген. Демек премьер-министрлик кызматтан тышкары президенттин милдеттерин аткаруу укугу ага өтөт.

Канатбек Исаев мунун себебин түшүндүрдү.

«Азыркы коомдук-саясий кырдаалды жана өлкөдөгү абалды турукташтыруу үчүн алдыда турган маанилүү милдеттерди эске алуу менен күчүмдү Жогорку Кеңештин ишине бурууну чечтим. Ошондой эле парламенттин алтынчы чакырылышынын мөөнөтү бүтүп бараткандыктан президенттин милдетин аткара албайм деп эсептейм», - деди Канат Исаев. 

Булак: NazarNews.kg