СССР убагында курулушу аяктабай же болбосо такыр эле каралбай калган объектилер чачтан көп. Андай объектилердин бири Кара-Көл шаарында союз убагында курулган кудук.

Анын тереңдиги 8 метрге чамалап калат. Эми ошол кудукта кырсык катталып отурат. Тагыраагы 9-ноябрь, түнкү саат 01:30дар чамасында 18 жаштагы кыз ал кудукка түшүп кетип каза болду. Бул окуя кылмыштардын жана жоруктардын бирдиктүү реестрине кокустук катары каттоого алынып, сотко чейинки өндүрүш ачылган.

Көргөн-билгендердин айтымында, ошол түнү ал жерге 4 адам барып, маркум дааратканага барам деп жолдон чалынып, кудуктун ичине кирип кеткен. Анын жанындагылар кызды куткарып калууга жетишпей калган.

Булак: NazarNews.kg