Бириккен Араб Эмиратында жашаган кыргызстандыктар телефонго кийгизе турган чехолдун аталышында ката бар деп тополоң чыгарышты. Бул тууралуу Twitter  социалдык тармактын колдонуучуларынын бири жазып чыкты. 

“БАЭда жашаган кыргызстандыктар Амазон онлайн дүкөнүндөгү чехолдун аталышына аябай ачууланышты. Сатуучуга кыргызстандыктардан массалык арыздар түшө баштагандан кийин чехолдун аталышындагы ката оңдолгон. Бир сааттын ичинде миңге жакын кат түшкөн”, - дейт социалдык тармактын колдонуучусу.

Сүрөттөн телефондун чехолуна Кыргызстандын желеги түшүрүлүп, бирок Кафиристан деп жазып коюшканын көрүүгө болот.

Булак: NazarNews.kg