Ысык-Көл облусунун Каракол шаарында каракчылык кылган адам кармалганын Ички иштер башкармалыгы билдирди.

Маалыматка ылайык, Каракол шаардык ички иштер бөлүмүнүн нөөмөт бөлүмүнө жергиликтүү тургун кайрылып, 22-октябрда анын 13 жаштагы кызы алардын азык-түлүк дүкөнүндө кадимкидей иштеп жаткандыгын айткан. Болжол менен саат 10:00 чамасында белгисиз адам кирип, жашы жете элек кызды бычак менен коркутуп, бир нече эсептегичтерди талкалап, тамак-аш азыктарын ээлеп алгандан кийин, белгисиз тарапка чыгып кеткен. Кетердин алдында белгисиз адам кечинде келип, баарын өлтүрөм деп коркуткан.

Бул факты Кылмыштардын жана жоруктардын бирдиктүү реестрине катталып, КРнын Кылмыш-жаза кодексинин 202-берене, 3-бөлүгүнүн 3-пункту (куралды же курал катары колдонулуучу предметтерди колдонуу менен жасалган тоноо) боюнча сотко чейинки өндүрүш башталды.

Сотко чейинки өндүрүштүн алкагында тергөө-оперативдик иш-чаралар жүргүзүлүп, милиция кызматкерлери кылмышка шектүү адамды кармады. Ал Каракол шаарынын 38 жаштагы тургуну Д.К. Кармалган адам убактылуу кармоочу жайына сот тарабынан алдын алуу чарасы көрүлгөнгө чейин жайгаштырылды. Тергөө иш-чаралары уланууда. 

Булак: NazarNews.kg