Мурдагы ички иштер министри Молдомуса Конгантиевдин райондук соттон акталышы коомчулукта эки ача пикир жаратты.

Жактагандар менен жамандагандар эки жаатка бөлүнүшүп...

Реалдуу түрдө ой жүгүртсөк, Конгантиев 2010-жылдын 6-апрелинде Таласка барып, элден токмок жеп, жабыр тарткан. (Министр кезиндеги ишмердиги болсо башка кеп.)

Ал эми 7-апрелде эл «Форумдан» чогулуп, аянтка баргандан кийинки башаламандыкка, адамдардын өлүмүнө анын тийешеси жок. Баарыбызга белгилүү болгондой, генерал Конгантиев 6-апрель күнү эле ИИМди башкарууга мүмкүнчүлүгү болбой калган.

Андыктан, төңкөрүш убагындагы жоготууларга аны күнөөлөгөнүбүз логикалык жактан туура эмес. Демек, акталуусуна кандайдыр бир негиздер болгондур.

Натыйжада, 9 жылдан бери кылмыш иши козголуп тура бериши кандай? Чекит коюлушу керек да, туурабы?, деп коомчулукка пикирин жарыялаган "АЗИЯnews" гезити.     

Булак: NazarNews.kg