www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Казак өкмөтү Кыргызстанга 1 миң тонна күздүк буудай үрөнүн бөлүп берүүнү караштырып жатат. Бул тууралуу 12-августта Кыргызстандын тышкы иштер министри Руслан Казакбаев менен жолугушууда Казакстандын элчиси Рапил Жошыбаев билдирди.
Тышкы иштер министрлигинин (ТИМ) басма сөз кызматынын маалыматына караганда, түшүмдүүлүгү жогору үрөн гуманитардык жардам иретинде гранттык жардам катары берилет.
Министр Казакбаев өлкөнүн азык-түлүк коопсуздугун камсыз кылууга жана коронавирустун жайылышына каршы турууга көрсөтүп жаткан жардамы үчүн казак тарапка ыраазычылык билдирди.
Кыргызстанда буудайдын наркы бир жылда дээрлик 40% кымбаттады. Былтыр килограммы 20 сом турса, быйыл орточо 29-30 сомдон сатылып жатат. Импорттук дан азыктарына көз каранды өлкөдө бул жагдай кооптонууну жаратууда. Быйыл кыргыз фермерлеринин түшүмү кыйла кыскарарын талдоочулар айтып жатышат.
Өкмөт ун ташып келүүчүлөр кошумча нарк салыгынан 1-августтан тартып бир жылга бошотулганын билдирди.
Булак: NazarNews.kg
< Предыдущий
Следующий >
Последние новости
