www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg

Казакстандын эң чоң шаары Алматыда карантин эрежелери жумшартылды.

Калаада эпидемиялык абал начарлап жатканын мойнуна алганы менен Алматынын башкы санитардык дарыгери Жандарбек Бекшин соода, оюн- зоок борборлоруна жумуш күндөрү кечки саат 22.00гө чейин иштөөгө уруксат берди. Дем алышта алар жабык болот. Ачык жана жабык азык-түлүк базарлары жекшембиден бөлөк күндөрү иштей беришет.

Коомдук тамактануу жайлары – ашкана, кафе жана мейманканалар жумуш күндөрү 7.00дөн 22.00гө чейин ачык болот.

Мейманканалар жана туристтик комплекстер, сулуулук салондору орундарынын 50% толуктоо менен иштей алышат. Билим берүү борборлору да сабак берүүгө мүмкүндүк алышты, болгону топтогу кишилердин саны ондон ашпоого тийиш.

Мартта карантин чараларынын катаалдашы ишкерлердин нааразылыгын жараткан. Алар мамлекеттен жумушчулардын маянасы жана ижара акысы үчүн күнүнө 2 миллиард теңгеден төлөп берүүнү талап кылышкан.

Санитардык дарыгердин жаңы токтому менен студенттер жана окуучулар окуу жылын дистанттык түрдө аякташат. Бул арада мектептин 1-5 жана 9,10 класттарынын окуучулары ата-энелердин өтүнүчү менен кезек менен окуй алышат. Мындай класстарда балдардын саны 15тен ашпоого тийиш.

Булак: NazarNews.kg

Последние новости