Украина 48 саат ичинде Европадагы коопсуздук жана кызматташтык уюмуна (ЕККУ) мүчө өлкөлөрдүн жана Орусиянын өкүлөрдү менен жолугушууну сурады. Бул тууралуу Украинанын тышкы иштер министри Дмитрий Кулеба Twitter баракчасына жазды.

Росія не відповіла на наш запит за Віденським документом. Ми робимо наступний крок. Україна скликає зустріч з РФ та всіма державами-учасницями протягом наступних 48 годин для обговорення посилення та переміщення військ РФ уздовж нашого кордону та у тимчасово окупованому Криму 1/2

— Dmytro Kuleba (@DmytroKuleba) February 13, 2022

Сунуш 2011-жылдагы коопсуздук жана ишенимди бекемдөө чаралары жөнүндө эл аралык келишимдин алкагында жасалды. Киев Москвага жазган катына расмий жооп албагандыктан ушундай кадамга барганын белгиледи.

"Орусия Вена документи боюнча сурообузга жооп берген жок. Биз кийинки кадамыбызды жасап жатабыз. Украина Орусия жана ЕККУга мүчө бардык өлкөлөрдү 48 саат ичинде жолугушууга чакырып, Москвадан чек арабызга жакын жерлерде жана убактылуу оккупацияланган Крымда аскерлерин көбөйткөнүнүн себебин сурайбыз”, - деди Кулеба.

ЕККУга мүчө өлкөлөр Вена документине 2011-жылы кой койгон. Тараптар аскердик түзүмдөрүнүн жайгашуусу, алардын санынын көбөйүшү жана мунун максаты тууралуу бири-бирине маалымат берип турууга тийиш.

Бул арада Украинанын президенти Владимир Зеленский АКШнын президенти Жо Байден менен “жакынкы сааттарда” телефондон сүйлөшө турганын украин президентинин кеңсеси 13-февралда билдирген.

Батыш өлкөлөрү Москва Киевге каршы согуштук аракеттерди башташы мүмкүн деген кооптонууга байланыштуу өз жарандарын Украинадан чыгып кетүүгө үндөп жатат.