Министрлер кабинетинин төрагалыгына талапкер катары Аалы Карашев менен Бакыт Төрөбаевдин ысымдары атала баштады. Орозо айында чайханаларда дал ушундай каңшаар кептер тарады.

«Шамал болбосо чөптүн башы кыймылдабайт» дейт. Айрым билермандар Карашев менен Төрөбаевге алдыртан мамиле жасап, жүгүнө баштаганы кандай? Ооба, өкмөт башчылык кызмат таасирдүү, көп маселени чечет. Май талкан эмеспи...

Бирок эртелеп ашыккандарга, кошомат кылгандарга таң каласың. «Пахта койгонду» саясаттагы көпчүлүк кыкеңдер өнөр көрүп алышты. Баракелде!

Баары буйруктан... Тажрыйбалуу кадр катары Аалы Карашевге тараза ташы ооп баратат. Саясый интеллигенция жылуу пикирде экен. Президенттин колдоосу гана калдыбы?

Булак: Азия News гезити