Коронавирустан каза болгондордун саны 724 адамга жетти.  Бул тууралуу Кытайдын Саламаттыкты сактоо боюнча улуттук комиссия 8-февралга алынган маалыматты таратты.

Маалыматка таянсак,  тумоодон жалпысынан  724 адам көз жумса, 34 миң 871 адам вирусту жуктуруп алган. Мындан тышкары, бир суткада ооругандардын саны 3 миң 399 адамга, каза болгондордун саны 86га өстү.

Эске салсак, кытай бийлиги 2019-жылдын 31-декабрында Дүйнөлүк саламаттыкты сактоо уюмуна (ДСУ) өлкөнүн борбордук бөлүгү Ухань шаарында белгисиз пневмония оорусу күч алганын билдирген. Адистер оорунун козгогучу коронавирус 2019-nCoV экендигин аныктаган. Жакында ДСУ Кытайдагы вирусту эл аралык деңгээлдеги өзгөчө кырдаал деп атады.

Булак: NazarNews.kg