Бүгүн, 26-октябрга карата саламаттыкты сактоо уюмдарынын 377 кызматкерине 200 миң сомдон бир жолку акчалай кенемте төлөндү. Бул тууралуу Саламаттыкты сактоо министри Алымкадыр Бейшеналиев маалымат жыйынында кабарлады.

Мындан тышкары, каза болгон 27 медициналык кызматкердин үй-бүлөлөрүнө 1 млн сомдон берилди.

«Кызыл зонада» иштегендиги үчүн сентябрь айында 5241 медициналык кызматкер жалпы суммасы 71 млн 671 миң 429 сомду түзгөн кенемте алышты.

Учурда комиссиянын кароосуна саламаттык сактоо уюмдарынан 2 миңге жакын документ келип түшкөнүн министр кошумчалады. 

Булак: NazarNews.kg