Жасалма интеллект тестинин натыйжасында ковидди 15 мүнөттө аныктай алат. Бул тууралуу  TVBrics.com жазды.

Ага ылайык, денеде коронавирус бар-жогун билүү үчүн мурундан кебез менен тампон алып, буфердик эритмеси бар бөтөлкөгө салып коюу жетиштүү. Андан кийин эритмени тест-кассетага ташташ керек, ал организмде вирус бар же жок экендигин көрсөтөт. Экспресс тесттин сүрөтү атайын тиркемеде жөнөтүлүшү керек, анда жасалма интеллект адамдын ооруп же оорубаганын 15 мүнөттө аныктайт.

“Тез, ишенимдүү, арзан жана колдонууга ыңгайлуу үй антигенин тестирлөө вирустун таралышын, айрыкча симптомсуз бейтаптардын арасында кыйла азайтат” деп кошумчалады тиркемени иштеп чыгуучунун сайты.

Тесттин жаратуучулары бул үйдөн чыкпай, вирустун болушун тез арада текшерүүнүн бирден-бир жолу экендигин белгилешти.

Сынак Америка Кошмо Штаттарынын Азык-түлүк жана дары-дармек администрациясынын (FDA) макулдугун алгандан кийин сатылышы мүмкүн. Тесттин баасы азырынча айтыла элек.

Булак: NazarNews.kg