Энергетика министрлиги Кыргызстан менен коңшу өлкөлөрдөгү электр энергиянын баасын салыштырды. Кыргызстанда 1 кВт/саат 77 тыйын турат. Эгерде 1 айда 700 кВт/сааттан ашык пайдалансаңыз, 2,16 сомдон төлөйсүз.

Буга чейин президент Садыр Жапаров май айынан тартып электр энергиянын баасы 77 тыйындан 1 сомго жогорулай турганын жазды. Кыргызстандын Энергетика министрлигинин маалыматы боюнча, Кытайда электр энергияны 6,75 сом, Россияда 4,6 сом, Казакстанда 3,54 сом, Өзбекстанда 2,23 сом, Тажикстанда 2,2 сом, ал эми Түркмөнстанда 66 тыйынга сатып алышат.

Булак: NazarNews.kg