www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Үзөңгү- Куушту кытайлыктарга берүүдө көптөгөн “үрүп чыккан итинен” башка ырыстуу эч нерсеси жок атка минерлер, депутаттар чириген байларга айланышкан. Кытай атка минерлер менен депутаттарды валютага сатып алышып, Үзөңгү- Куушту өзүнө алган. Алсак, мамлекеттин балансында турган Транспорт министрлиги жайгашкан имарат ошол кездеги министр Кубанычбек Жумалиевдин менчигине айланган. Эми мамлекет ошол министрлик жайгашкан имарат үчүн Жумалиевге ижара төлөп турганы айтылууда. Бишкек мэриясынын айланасындагы Киев көчөсүнөн Чүй проспектисине чейин аймактагы имараттар ошол кездеги депутат Темир Сариевдин менчигине айланган. Мындайды айта берсек толтура.
Парламенттин Транспорт, коммуникациялар, архитектура жана курулуш боюнча комитети Кыргыз Республикасынын 2020-жылга республикалык бюджети жана 2021-2022-жылдарга болжолу жөнүндө» мыйзам долбоорун талкуулашты. Берилген маалыматка ылайык, мамлекеттик инвестициялардын гранттарын эске алуу менен мамлекеттик бюджеттин кирешесинин 2020-жылга жалпы көлөмү 183 млрд 708 млн сом суммада болжолдонгон. Бул ички дүӊ продукциянын (ИДП) 27,5% деӊгээлинде. 2020-жылы мамлекеттик инвестициялардын гранттарын эске алуу менен республикалык бюджеттин жалпы кирешелери 163 млрд 710 млн сом суммасында же ИДПнын 24,5%ында каралууда. Келерки жылга республикалык бюджеттин чыгымдарынын жалпы көлөмү 173 млрд 663 млн сом деӊгээлинде белгиленген (ИДП 26%). Бул 2019-жылдын бюджетинен 11 млрд 750 млн сомго көп. 2020-жылга республикалык бюджеттин таӊкыстыгынын жалпы көлөмү 9 млрд 953 млн сомду же ИДПнын 1,5%ын түзөт. Жыйын жүрүшүндө комитет мүчөлөрү курулушка жана жолдорду оӊдоп-түзөөгө багытталган бюджеттик каражаттарды натыйжалуу колдонуу маселесине токтолушту. Эл өкүлдөрү жол тармагынын туруктуу болушу каражаттардын байма-бай берилишинен эле эмес, Транспорт министрлигинин алдына коюлган милдеттердин сапаттуу аткарылышынан дагы көз каранды экенин белгилешти.
Депутат Улукбек Ормонов КР биринчи вице-премьер-министр Кубатбек Бороновдон өкмөт мурда билдирген бюджеттин кирешесин 7,9%га же 11 млрд 948 млн сомго көбөйтүү маселеси кантип аткарыларын сурады. Кубатбек Боронов мындай көрсөткүчкө жетүү республикадагы өндүрүштүн өсүшүнүн эсебинен пландаштырылып жатканын айтты. Анын белгилөөсү боюнча 2019-жылы 126 жаӊы ишкана ачылган. 2020-жылы «Жерүй» алтын кенин иштетүүдөн киреше түшмөкчү. Депутат Тынчтыкбек Конушбаев бюджеттин «Капиталдык салым» беренеси боюнча курулушу өтө созулуп кеткен объектилерди бүткөрүү керектигин айтып, ага 2011-жылы салынып баштаган Военно-Антоновка айылындагы мектептин курулушун мисалга тартты. КР биринчи вице-премьер-министри аталган мектептин курулушу үстүбүздөгү жылдын соӊуна чейин жыйынтыкталаарын убада кылды. Соӊунда комитет мүчөлөрү келерки жылдын бюджет долбоорунда талкуулай турган маселелер көп болгондуктан, мыйзам долбоорун кароону кийинки отурумда улантуу чечимин кабыл алышты.
Ал эми мамлекеттик бюджеттен Унаа, жол министрлигинин имараттарына ижара акысы үчүн менчик ээси Кубанычбек Жумалиевке канча сом төлөнөт болду экен?
Азизбек КЕЛДИБЕКОВ, NazarNews.kg