Социалдык тармактардын кыргыз сегментинде мурунку күйөөсү тарабынан мурду, кулагы кесилген Аселдин эжеси Диананын кайрылуусу тарады. Аял укук коргоо органдарынын Аселдин буга чейин дооматтарынан баш тартып, мурунку күйөөсүн кечиргени тууралуу маалыматына комментарий берди.

"Асел, милицияда эле жүрчү. Биз үчүн милиция, соттук-медициналык экспертизалар көнүмүш болуп калган", - дейт ал.

Аял мурунку күйөө баласы сиңдисин аңдып жүргөнүн айткан.

"Ал Аселди күтүлбөгөн жерлерден аңдып турчу. Ал аны кармап алып сабачу. Милицияга телефон чалып, арыз жаздык, видеого тартып алган уруп-сабоолорду көрсөттүк. Аны үч күн кармашат, бирок коё бергенден кийин туура 15 мүнөт ичинде сиңдимдин үйүнүн босогосунда турган болот", - деп кошумчалайт жабырлануучунун эжеси.

Эске салсак, 20-сентябрда Сокулук районунун Селекция айылындагы көп кабаттуу үйлөрдүн биринде 36 жаштагы аялды 39 жаштагы мурунку күйөөсү кулагын, мурдун кесип салган.

Аталган факт Сокулук районунун ички иштер бөлүмүндө катталып, Кыргыз республикасынын КЖКнын 130-беренеси (денеге оор залал келтирүү) менен кылмыш иши козголгон.

Буга чейин Асел эки жолу укук коргоо органдарына кайрылып, мурдагы күйөөсүн зордуктады деп айыптаган. Биринчисинде жабырлануучу талаптардан баш тартса, экинчисинде Сокулук райондук соту тарабынан шарттуу түрдө бошотулган.

Жогорку соттун комментарийи:

Жогорку Соттун маалыматы боюнча, Сокулук райондук соту 2022-жылдын 19-октябрында Аселге коюлган айыптарды колдоодон баш тартуу жана тараптардын жарашуу боюнча каршы арызын алганына байланыштуу аталган адамга карата кылмыш ишин токтоткон.

Экинчи факты боюнча ал күнөөлүү деп табылып, 5 жылга эркинен ажыратылды. Бирок сот анын карамагында кароосу начар, карыган апасы бар экенин, ошондой эле Асел менен чогуу жашаган эки баласы бар экенин эске алган. Буга байланыштуу ал кишиге үч жыл сыноо мөөнөтү берилип, камактан бошотулган.

Өз кезегинде жабырлануучу тарап биринчи инстанциянын чечимине макул болбой, Чүй облустук сотуна апелляциялык арыз менен кайрылган. Соттук отурум 27-сентябрда болот.

Бул ишти кароонун жыйынтыгы боюнча пробациялык көзөмөлдү колдонгон судьянын аракеттерине тиешелүү баа берилет.

Булак: NazarNews.kg