Атайын адистердин белгилегени боюнча, аялзаты үзгүлтүксүз, жагымдуу жыныстык катнаш тууралуу кыялданышат. Анткени мындай махабат алардын чың ден соолугунун жана жан дүйнөсүнүн туруктуулугунун кепилдиги болуп саналат. Бирок кыялга айланган секс аялзатына кумар (оргазм) тартуулай албай, ал кол жеткис болуп калса эмне кылуу керек?

Кумарсыз секс-чечүүгө шашыла турган чоң маселе 

Эң башкысы, адам өзүнө келип, бул маселенин бар экенине жана аны чечүүгө болоруна ишениши керек. Эгер өнөктөшү муздак – “фригид” деген сөздү модага айлантып, сизди дал ушундай атаса, капаланып же ишенип калган туура эмес. Маселе башка жакта экенин эске алып, тезинен анын себептерин аныктоого шашылыңыз.

Ырахатсыз секстин себептери

Көпчүлүк учурда ырахаттын болбой жатышы баштан болот: психологиялык жабыркоодон жана тоскоолдуктардан чыккан маселенин айынан өз ишин кыла албай, махабаттын туу чокусуна жете албай кыйналат. Анда ушул жагдайда айымдар арасында кеңири жайылып кеткен эң негизги маселелерди карап чыксак:

1. Денедеги боштуктун жоктугу

Жыныстык катнаш учурунда денени бош коюп, толугу менен эс ала албай, тактап айтканда, денеңиз каалооңузга каршы турган учур. Бул “Мен жөнүндө кандай ойдо калат?” деген сыяктуу ар түркүн ойлорду ырбатып же өнөктөшүңүздүн бир жерин жактырбай жатканыңыздан улам болот. Ал эми көпчүлүк айымдар сырткы келбетин жарыкта көрсөткөндөн уялып, курсагын жаап-жашырып, бир калыпта карманганга аракет кылышат. Эми бир нерсени эсиңизге бекем тутуп алыңыз: секс учурунда мырзалардын баары денедеги кемчиликтер тууралуу бир аз да ойлонуп коюшпайт жана ал эч кандай мааниге ээ эмес. өзү алган же сизге тартуулаган кумар – алар үчүн башкы максат. Андыктан миң жолу мүчө-келбетиңиз келишип туруп, ырахат ала албай жатсаңыз, сизге караганда толук айымдын алган жыргалын баалашат. Ошол себептен кеп секс тууралуу болуп жаткандан кийин жаткан төшөгүңүздөн болуп көрбөгөндөй кереметке жетүүнү максат кылып, башканын баарын унутуңуз. Ой, кемсинүү, тартынуу, жактырбоо деген сезимдерден арылып, ички жан дүйнөңүздү угуп, денеңизди толук бош койгонго, аны укканга, ырахаттын туу чокусу – кумарга батканга аракет кылыңыз. Мына ошондо жибектей назик дене, чың ден соолук, жагымдуу үн, күмүш күлкү, сиз каалаган келбет, сулуулук сизге оңой багынып берет. 

2. Жеке ойго камалуу

Кээ бир кыздар "кумар ала албайм" деген оюнан арыла албай, проблеманы күчөтүп жиберишет. Жыйынтыгында жыныстык катнаш учурунда алар "кумар алышым керек" дегенден башканы ойлоно алышпай, нервге билинбеген терс күч келип, организм өзүн жоготуп, күткөн нерсе тетиринен чыгат. Бул көрүнүш мурункудан да күчтүү маселени жаратып, аял өзүнө болгон ишенимин, секске болгон жөндөмүн жоготот. Сексологдор мындай маселеге кабылгандарга күч менен кумарга жетүүдөн качып, көңүлдү өзүнө эмес, өнөктөшкө бөлүп, анын эркелетүүсүн, дененин эркин болушун, делебени козгой алышын күчөтүүгө ырастап, дитинин баарын анын денесин көбүрөөк сезгенге, чыныгы сезимдер менен гана катнашка барганга жана да баштагы ойлордун ордуна сексуалдык фантазиясын өркүндөткөнгө кеңеш беришет. Ошондо гана организм мурунку калыбына келип, көбүрөөк козголуп, кумар ала алат.

3. Даярдык

Кыздардын жыныстык катнашка көнө электиги – кумарсыз секстин негизги себептеринин бири. Себеби кыздар кыздык белгисинен ажыраган алгачкы жылдары денесинин эмне каалап жатканын жакшы түшүнө беришпейт жана жыныстык мүчө мээге эмнени каалап жатканын нервдин жабыркоосунан улам түшүндүрө албайт. Бул көрүнүш никеси бар жана жок түгөйлөрдө байкалышы мүмкүн: көпчүлүк учурда никеси жоктордун арасында чоң маселе жаралышы ыктымал. Анткени никеси бар айым жыныстык катнашка, кыздык белгиден арылууга алдын ала даяр болуп, төшөктө да өзүн кандай кырдаал болбосун эркин, кенен сезе алат, психологиялык абалы да ордунда. Анан да күндө болуп турган катнаш ага кумар эмне экенин тез эле үйрөтүп коёт. Бир чети башка жагдайлар да бар. Түгөйлөр ортосундагы түшүнбөстүк, тажрыйбасыздык, уялуу сымал сезимдердин алсыздыгы айымды бир нече убакытка чейин кыйнап, кумардан баш тартып же үмүттөнбөй, а балким, кызыкпай да калышы мүмкүн. Кызыгы, ушундай көрүнүштөрдүн көптүгү да таң калтырат.

Айымдардын жыныстык мүчөсүндөгү сезимтал жерлеринде жайгашкан нервдик бөлүкчөлөрдү терең изилдеп билип алуу аялга да, мырзага да маселе жаратмак эмес. Алгач жыныстык жашоону баштаганда ар кандай одоно ыкмалардан алыс болуп, аяр мамиле жасоо – мырзанын милдети. Маалы менен кыздын кызыгуусун ойготуп, туура жагдайда ыңгайлуу позиция менен кумар алганга тажрыйбада гана үйрөнүүгө мүмкүн болот.

Маанилүү: Кыздын кумарга жетүүсүнө өнөктөшү даярбы? Ал үчүн жок дегенде бир саат аны эркелетип, делебесин козгоп, сонун сөздөрдү арнап, айткандарын аткара алабы? Бул жагын да тактап, түшүнүп алуу абзел. "Кыздар кулагы менен эле сүйөт" деген чын белем, анткени кумар аларда жылуу сөздөргө денеси бат жибип, эркин боло алышат. Андыктан кызына кумар бергиси келген эркек төшөк алдында ыңгайлуу сөздөрдү даярдап алса, кумардын башкы жолун тапкан болот.

Сексологдор кумарга жеткиси келген кыздарга өзүнө эксперимент жасап көрүүнү да кеңеш кылышат. Делебеси козголгон учурда клиторун, жыныс кынын укалап, кумар алса болот. Бул пайдалуу практика катары күткөн нерсеңизди бере алышы мүмкүн.

Эмнеге зыян?

Кумарсыз секс аялдардын жыныс органдарына маселе жаратып, мырзалар менен болгон мамилени бузат. 

Кумар менен аяктаган туура секс кандын туура айланышына көмөк көрсөтөт. Ар кандай стресстерден жана нерв ооруларынан алыс кылат. Көпчүлүк кыздар кумарга жете албагандыктан, узак убакытка чейин бул оюн айткандан тартынып, мырзанын «эркектигин» далилдеш үчүн калп эле ырахат алган кейпинде жүрө берип, ден соолугунда жана жеке жашоосунда көп маселе жаралат.

Кумар алуу-чечиле турган маселе

Ошондуктан кандай жол болбосун, туура чечим чыгарганга, баарын тартиптин чегинде аткарганга аракет кылыңыздар. Эсиңизде болсун: никесиз секс толук кумарга эч убакта алып барбайт. Анын үстүнө коргоочу каражаттар (бойго бүтүрбөөчү каражаттар, дарылар, жыныстык оорулардан бир аз сактаган презерватив ж.б.) кыздардын ден соолугуна зыян экенине ынаныш үчүн толук маалыматты окуп алсаңыз болот. Презерватив зыян эмес деп ойлошуңуз мүмкүн, бирок ал аялдардын гормондорун бузуп, тестостерондун, денедеги түктүн көбөйүшүнө, демек, кумардын да болбошуна чара көрөт.

Коопсуз ырахат, чыныгы кумар сүйүктүүң менен болгон сүйүү оюндарында гана болотю

Булак: "gezit.kg"