Министр Кашкар Жунушалиев качып кетиптир. Бул тууралуу бүгүн, 7-октябрда Ички иштер министринин милдетин аткаруучу Курсан Асанов Өкмөт үйүнүн алдында билдирди.

Анын айтымы боюнча, анда Кашкар Жунушалиевдин жүргөн жери жөнүндө маалымат жок.

Кызмат абалынын легитимдүүлүгүнө байланыштуу Асанов аны эл тандаганын билдирди.

“Баш мыйзам бийлик элдин колунда деп жазылган. Ошондуктан элдин айтканы болуш керек. Эгерде элдин үнүн укпаса, анда дагы кечээкидей окуялар кайталанышы мүмкүн” – деди Асанов.

4-октябрдагы шайлоонун жыйынтыгына каршы эл жана партиянын тарапкелри митингге чыгышкан. Учурда митинг уланууда.

Булак: NazarNews.kg