Курсан Асановдун жансакчысы эки айга СИЗОго камалды
Коом  |   |  489

Курсан Асановдун жансакчысы 23-октябрга чейин №1 тергөө абагына камалды. Мындай чечимди Бишкектин Биринчи Май райондук соту 25-августта чыгарганын күч органдарынан кабарлашты. Пайзылда уулу Дамирбек министрликтин атайын багыттагы полкунун кызматкери. Айрым бейрасмий маалыматтарга караганда, ал Асановдун айдоочусу жана жансакчысы болгон. 23-августта анын колуна “кылмыштын катышуучуларынын түрлөрү” жана “кызмат абалынан кыянаттык менен пайдалануу” деген беренелер боюнча шектүү экени тууралуу билдирүү тапшырылган.

Башкы прокуратуранын басма сөз кызматы ал мурдагы президент Алмазбек Атамбаевди кармоо операциясындагы мыйзамсыз иштерге байланыштуу суракка чакырылганын айткан эле. Курсан Асановго карата Жазык кодексинин 320-беренеси («кызмат абалынан кыянаттык менен пайдалануу») менен ачылган ишти Аскер прокуратурасы иликтеп жатат.

Азизбек КЕЛДИБЕКОВ, "NazarNews.kg"

Поделитесь с друзьями