"Барселонанын" легендарлары дагы эки жолдоштук беттеш өткөрүштү. Бул тууралуу аталган клубдун расмий баракчасына жарыяланды. 

5 жана 7-сентябрда каталондук клубдун ар кайсы жылдардагы көрүнүктүү оюнчулары Израилде эки оюн өткөрүштү.

5-сентябрда “Барса” Тель-Авивдин “Маккаби” клубунун легендаларын утуп алды. Оюн 5:3 эсебинде каталондуктардын пайдасына аяктады.

7-сентябрда "Барселона" Хайфанын "Маккаби" клубунун оюнчуларын 5:1 эсебинде утуп алды.

Эки беттеште тең Роналдиньо оюн талаасына чыккан. Боян Кркич да "Барселона" легендалары менен биринчи жолу дебют жасаган.

Эске салсак, 30-августта Бишкекте Барселонанын легендалары Азиянын легендалары менен беттешкен. Уюштуруучулар Роналдиньонун келгенин билдиришкен, бирок акыркы учурда бразилиялык оюнчунун Бишкекке келбей турганы белгилүү болгон.