www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Кыргызстанда бөлүштүрүүчү электр тармактарын жаңылоонун алкагында заманбап өлчөөчү трансформаторлордун биринчи партиясы жеткирилди.
Маалыматка ылайык, жабдуулар «Электр энергетика секторун модернизациялоо жана туруктуу өнүктүрүү» (МУРЭС) долбоорунун 2-компоненти — «Бөлүштүрүүчү тармакты санариптештирүү» багытынын алкагында сатып алынууда.
Бул максатта «АльянсСпецТех» ЖЧКсы менен жалпы суммасы 41 млн 640 миң сомдук келишим түзүлгөн. Анын негизинде 90 комплект өлчөөчү трансформатор жеткирилет.
Биринчи партиянын жалпы баасы 13 млн 638 миң сомду түзөт. Анын курамында 10 жана 35 кВ чыңалуудагы заманбап ток жана чыңалуу трансформаторлору бар.
Жаңы жабдуулар электр тармактарындагы параметрлерди так өлчөөгө, релелик коргоо жана автоматика системаларынын ишенимдүү иштешин камсыз кылууга, ошондой эле электр менен камсыздоонун коопсуздугун жана туруктуулугун жогорулатууга шарт түзөт.
Өлчөөчү трансформаторлорду жаңылоо энергосистеманы заманбап башкарууга жана электр энергетикасына санариптик технологияларды кеңири киргизүүгө багытталган.
МУРЭС долбоорунун алкагында жабдууларды жаңылоо жана бөлүштүрүүчү электр тармактарын санариптештирүү иштери улантылат.
< Предыдущий
Следующий >
Последние новости
