1100дөн ашуун кытай жараны Судандан ийгиликтүү эвакуацияланды. Бул тууралуу Кытайдын Тышкы иштер министрлигинин консулдук департаментинин директору У Си China Media Corporation (CMG) менен болгон маегинде айтты. Бул тууралуу NazarNews агенттигине кытайлык CCTV plus агенттиги билдирди.

Анын айтымында, Судандагы жаңжал башталгандан бери Кытай бийлиги бул өлкөдөгү мекендештеринин коопсуздугу үчүн абдан тынчсызданып келет. Кытайдын төрагасы Си Цзиньпин коопсуздукту камсыздоо жана кытай жарандарын эвакуациялоо боюнча планды кылдат иштеп чыгууну тапшырды.

"Кытай Элдик боштондук армиясы Аден булуңунда кемелерди коштоп жүрүү операцияларын жүргүзүп жаткан аскердик кемелерди шашылыш мобилизациялап, жарандарды эвакуациялоо үчүн аларды тез арада Суданга жөнөттү. Учурда 1100дөн ашуун кытайлык мекендештер, анын ичинде Сянгана тургундары да бар, Судандан аман-эсен эвакуацияланды. Кытай Судандагы ички кагылышуу башталгандан бери эң көп жарандарын иреттүү түрдө эвакуациялаган өлкө. Мындан тышкары, биз ошондой эле жалпы тагдырга ээ болгон глобалдык коомчулуктун концепциясын бекем карманабыз жана чет өлкөлүк жарандарды коопсуз эвакуациялоого активдүү көмөктөшөбүз. Биздин мекендештер Кытайдын аскердик кемелерине отурушуп, үйлөрүнө тарап кетишти”, - деди кытайлык дипломат.

У Си ошондой эле Кытай жарандарын эвакуациялоо боюнча масштабдуу операцияга армия жана мамлекеттик органдар гана эмес, компаниялар, ошондой эле чет өлкөдөгү кытайлыктардын студенттик союздары жана ассоциациялары да тартылганын баса белгиледи.

“Элдин жыргалчылыгы үчүн дипломатия - Кытай дипломатиясынын негизги максаты. Кытайдын Тышкы иштер министрлигинин Консулдук коргоо борбору он күндөн ашык убакыттан бери тынымсыз иштеп, тез арада эвакуациялоо иштерин координациялап, уюштурууда.Кытайдын Судандагы дипломатиялык өкүлчүлүгүнүн кызматкерлери коркунучка карабай, ар тараптуу жана кылдаттык менен уюштуруп, “жашоо каналдарын” ачып жатышат.  НОАК дароо жардамга шашылды. Кытай жарандарын мекенине кайтаруу операциясынын алкагында бардык ведомстволор жана жергиликтүү бийлик органдары, кытайлык капиталдын катышуусундагы ишканалар, чет өлкөдөгү мекендештер топтору жана студенттик профсоюздар да биргелешип, бири-бирине жардам көрсөтүүдө. Ошондой эле эвакуация операциясына көрсөткөн күчтүү колдоосу үчүн China Communications Construction Company жана CHECке ыраазычылык билдиребиз”, - деди У Си.

Кытай Эл Республикасынын Тышкы иштер министрлигинин консулдук департаментинин директору кошумчалагандай, Кытай ар дайым элге багытталган өнүгүү концепциясын карманып, жоопкерчиликти алып, чет өлкөдөгү жарандарынын өмүрү жана ден соолугунун коопсуздугун ойлойт.

Булак: NazarNews.kg