“Кыргыз чоролору”коомдук бирикмесинин мурдагы жетекчиси Замир Көчөрбаев кыргыз айымдарын калпакчандар сабаган деген “картинаны” кимдир бирөөлөр атайын жаратып жаткандыгын билдирди.

“Анын артында гей пропаганда жатат. Андай иш чараларда кыргыз жарандары эмес, сырттан келгендер болууда. Өткөндө эле көркөм сүрөт музейинде Европадан келген аял чечинип жүрөт. Ошолорду кыргыз аялдары десе болобу? Алтынбек Сулайманов ошолорду кыргыз аялдары деп жатат. Арасында чет элдиктер көп. Үстүртөн гана карап жатышат, акциянын уюштуруучулары улуттун баалуулуктарына сырткы каржылоонун жардамы менен бүлүк салып жаткандыгын түшүнбөй турушат”, -дейт Көчөрбаев

Булак: NazarNews.kg