Россиялык белгилүү блогер Илья Варламов акыркы кездеги Кыргызстанда орус тилдүү жарандар менен болгон окуяларга байланыштуу айтылып жаткан сөздөр боюнча пикирин жазды. Ал бул тууралуу пикирин телеграм-каналына жазып чыкты.

Ал нааразы болуп жаткан адамдар тез арада чара көрүүнү, орус калкын коргоону талап кылып жатканын белгилеп, ошол эле учурда «Россиянын өзүндө жагдай кандай?» деген суроо салган.

«Мен улутчул адамдарды жактырбайм, кыргыз, казак, орус болбосун. Орустар кайсы жерде болсо да өзүн коопсуз сезип, орус тилинде сүйлөгөнү үчүн эч ким сөз айтпашын каалайм. Ошол эле учурда, биз орустарга мекенинде жакшы мамиле кылуусун каалагандай эле кыргыз, өзбек, казактар Россияда өзүн ыңгайлуу сезишин каалайм», — деп жазган ал.

Булак: NazarNews.kg