Кыргызстандагы өндүрүш жанданабы?
Экономика  |   |  1913

Шаршемби күнү Бишкекте «Дастан» корпорациясы Орусиянын «Рособоронэкспорт» ишканасы менен келишимге кол койду жана жакын арада Орусиянын Деңиз-аскерий флотуна 459 миллион сомдук 54 модуль жасап берет, бул – 5 жарым миллион долларга тете. Акыркы жылдары «Дастан» – мына жабылат, мына сатылат деп келген, анткени анын өндүрүмү өтпөй калган.

Советтик мезгилде «Дастан» корпорациясында «Шквал» деген торпедалар чыкчу жана алар Ысык-Көлдө сыналчу. Ал торпедалардын сырын билүү үчүн америкалык тыңчылар да Кыргызстанга келчү деп айтылат. Алардын бири – Эдмонд Поуп – Москвада кармалып, 2000-жылы соттолуп, 20 жылга кесилген, бирок дал ошол кезде жаңы эле президент болуп шайланган Владимир Путин – америкалыктардын суранычы менен – ага райым берген.

Эми «Дастан» кайрадан иштей баштаса жана дагы жаңы келишимдер түзүлсө, Кыргызстандын өнөр жайы кайрадан жанданат деп үмүттөнсө болот. Антпесе, акыркы жылдары «Дастан» идиш-аяк да чыгара баштаган.

Поделитесь с друзьями