Кыргызстандын “Жаңы-Муун” командасы волейбол боюнча эркектер арасындагы эл аралык турнирде коло медалга ээ болду. Бул тууралуу аталган спорттун федерациясы билдирди. 

Турнир Ташкентте өтүп, ага 3 мамлекеттин курама командалары жана Кыргызстандын “Жаңы-Муун” командасы катышкан. “Жаңы муун” үч жолу беттешке чыгып, Түркмөнстандын командасына 1:3, Өзбекстандын командасына 0:3 эсеби менен утулуп калган. Тажикстан курама командасы менен чыккан беттеште 3:2 эсеби менен утуп, коло медалга ээ болушту. 

Ошондой эле, Россиянын Камчатск крайындагы Петропаловск шаарында ардагерлер арасындагы турнир аяктады. Кыргызстандын курама командасы Хабаровск крайынын өкүлдөрүн утуп алган. Бирок, Камчатск командасына 0:2, Ыраакы Чыгыш федералдык округуна 1:2 эсеп менен жеңилип калып, алар да коло медалга ээ болушту. 

Булак: NazarNews.kg