«Вагнер» жеке аскердик компаниясынын негиздөөчүсү Евгений Пригожин тарабынан уюштурулган козголоң Минскиде бардыгын олуттуу «чыңалтты», бирок белорус аскерлери менен алардын тылы биримдикти көрсөттү. Бул тууралуу өлкөнүн президенти Александр Лукашенко билдирди, деп маалымдайт ТАСС.

«Орусиядагы бул башаламандык, албетте, биздин дагы тынчыбызды алды. Биздин аскерлер жакшы реакция кылышты. Бардык аскерлер. Милиция да, чек арачылар да. Бул биздин иш, ушундай болушу керек», - деди мамлекет башчы.

Эскерте кетсек, 23-июнда "Вагнер" жеке аскерий компаниясынын негиздөөчүсү Евгений Пригожин Коргоо министрлигин анын компаниясынын позицияларына сокку урду деп айыптаган.

24-июнь күнү эртең менен ал "Вагнер" аскерлери Ростов-на-Донудагы объектилерди көзөмөлдөп жатканын билдирген. Москва шаарынын жана Москва облусунун аймагында болушу мүмкүн болгон теракттардын алдын алуу максатында антитеррордук операция режими киргизилген.

Кырдаал Беларустун президенти Александр Лукашенко менен "Вагнердин" башчысы менен сүйлөшүүлөрдү жүргүзүп, Евгений Пригожин Москвага баруу ниетинен баш тарткандан кийин жөнгө салынган. Азыр анын кайда экени белгисиз.

Ал эми "Коммерсант" гезити кылмыш ишин козгоо чечими жокко чыгарыла электигин, козголоң боюнча тергөө уланып жатканын билдирди.

Ал эми бүгүн, 27-июнда ФСБ куралдуу козголоң фактысы боюнча козголгон кылмыш иши токтотулганын маалымдады.

Булак: NazarNews.kg