Ош шаарында мейманкананын жанынан 5 айлык наристе табылды. Бул тууралуу Ош ШИИБинен кабарлашты.

Маалыматка караганда, 15-октябрда кечки саат 11лер чамасында милицияга “Элита” мейманканасынын жанынан наристе табылгандыгы тууралуу маалымат түшкөн. Окуя болгон жерге оперативдүү-тергөө тобу барган. Алгачкы иликтөөнүн жыйынтыгында, С.Р. аттуу бала 2019-жылдын май айында төрөлгөндүгү анык болгон.

Наристенин апасы да табылган. Ал 1986-жылы Өзгөн районунда туулган. Өз көрсөтмөсүндө, ал баласы 1994-жылы туулган А.К. жарандык никедеги күйөөсү экөөнүн ортосунда туулгандыгын түшүндүргөн. Аял күйөөсүн коркутуп коюу үчүн баласын мейманкананын жанына таштап, өзү 20-30 метрдей барып көз салып турган.

Бул факт катталып, иликтөө иштери жүрүп жаткан чагы.

Булак: NazarNews.kg