Милициянын кайгуул кызматкерлери тарабынан тоноого шектүү жаран кармалды. Бишкек ШИИББи боюнча МККБнын  басма-Сөз кызматы билдирди.

Маалыматка ылайык,  2020-жылдын 10-февралында болжол менен саат 23:30 чамасында Бишкек шаардык ИИББнин "102" кызматы аркылуу тоноп атат деген чакыруу келип түшкөн. Аталган дарек боюнча Бишкек ШИИББи боюнча милициянын кайгуул кызматкерлери барганда 1994-жылы туулган М.Ж аттуу аял киши арызданган.Анда ошол эле кунү болжол менен саат 23:20 чамаларында Салиева жана Буденный көчөлөрүнүн кесилишинен белгисиз эвропа улутундагы жаран ачык түрдө бетине көз жашын агызүүчу газ балончикти чачып,Хонор үлгүсүндөгү уюлдүк телефонүн жана 5220 сом акчасын алып качып кеткен.Көрүлгөн ыкчам чаралардын негизинде милициянын кайгуул кызматкерлери жана Сверлов районунун ыкчам нөөмөткери тарабынан иизи сууй электе шектүү катары 1983-жылы туулган Б.О аттуу жаран кармалып,Сверлов районунун ИИБине өткөрүлүп берилген.

Бул  факт боюнча Сверлов районунун  ИИБи тарабынан кылмыштардын жана жооруктардын бирдиктүү рейсттине катталып, Кыргыз Республикасынын  жазык кодексинин 201-беренесинин  (Тоноо)  негизинде  сотко чейинки өндүрүшкө алынып тергөө иштери жүрүп жатат.

Булак: NazarNews.kg