Милиционерлер бири-бири менен атышты

Журналист: NAZARNEWS

16.09.2018, 1:44

22508

коом

Бишкек ШИИБнин кызматкери табелдик куралы менен өзүнүн кесиптеши – мамлекеттик адистештирилген кайтаруу кызматы башкы башкармалыгынын (ГУГССО) милиционерин аткан. Бул тууралуу 24.kg маалымат агенттиги өз булагына таянып жазды. Окуя И.Ахунбаев көчөсүндөгү “Империя пиццы” кафесинде болгон.

11-сентябрдан 12-сентябрга караган түнү кылмыш иликтөө бөлүмүнүн офицери кафеде эс алып отурган. Ал жерде ГУГССОнун кызматкери да болгон. Экөөнүн ортосунда айтыш чыгып, биринчиси өз кесиптешине карай ок чыгарган.

“Жабырлануучу өз учурунда ооруканага кайрылган эмес жана биринчи күнү арыз да жазган эмес. Бирок, жарааттын олуттуулугун түшүнгөндөн кийин ооруканага келген. Октон жараат алгандыгын врачтар кабарлашты”, - деп билдирет булак.

Бишкек ШИИБнин башчысы Сталбек Рахманов окуянын күнөөкөрү жумуштан четтетилгенин билдирди. “Кызматтык иликтөө жүргүзүүдөбүз. Материалдарды прокуратурага өткөрүп бердик. Күнөөкөрдү жумуштан тескери мотив менен алышабы, тергөө чечет”, - дейт Сталбек Рахманов.

Булак: NazarNews.kg