Кимдин кимдин заманы, дамбалы айрылганча айкыргандардын заманы накта эми келди. Тилек Токтогазиев Ак үйдүн алдында өгүзчө өкүрүп, жаштардын башын айлантып жүрдү эле бүгүн Айыл чарба министри болду. Эртең мен дагы чыксамбы деп жатам. Мүмкүн мени дагы бир жакка чоң кылып коюшат. Тажрыйбаңдын, билимиңдин деле кереги жок экен да, көрсө. Кимдин үнү бийик чыкса ошону коё беришет экен. Мындай карасаң Тилек ким, мамлекеттик кызматта канча күн иштеди, тажрыйбасы барбы, эмгек жамаат менен иштеше алабы, кыскасы, жообу жок суроолор көп. Мындай пикирин социалдык тармактын колдонуучусу Элдияр Анарбеков жазып чыкты. 

Ага кошумча, "Мунусу жетишпей жаткансып кечээ жакында Жалал-Абад облусуна башчы кылып Ташиевдин өкүл баласы келди. Таласка дагы бир күндүк тажрыйбасы жок, жаш бала барды. Ал дагы митингде бир жери айрылганча кыйкырып жүргөн. Эмне дейбиз, бул жолу да эл ишенген жыйынтык чыкпай калды окшойт. Нааразы болгондор көбөйө баштады", - деп кошумчалаган.

Булак: NazarNews.kg