www.NazarNews.kg NazarNews - дүйнө назарында! www.NazarNews.kg NazarNews - в центре мирового внимания! www.NazarNews.kg NazarNews - ترى العالم في عينيك www.NazarNews.kg NazarNews - 你眼中的世界! www.NazarNews.kg NazarNews - dünya gözünüzde! www.NazarNews.kg NazarNews - The world in your eyes! www.NazarNews.kg Биздин байланыш: +996 779 028 383 www.NazarNews.kg Email: [email protected] www.NazarNews.kg WhatsApp кабар: +996 779 028 383 www.NazarNews.kg
Беларус Жогорку соту 11-августта Минсктеги нааразылык акциялары учурунда кармалган 566 кишинин аты-жөнүн жарыялады. Тизмени соттун сайтынан табууга болот. Кеп толкундоолордун биринчи түнүндө кармалган кишилер жөнүндө гана болуп жатат.
Кармалгандар 4 суткадан 25 суткага чейин камалышкан. Күбөлөр тергөө изоляторлору толуп калганын, укук коргоо органдары кармалгандарга күч колдонуп жатканын билдиришүүдө.
Беларуста президенттик шайлоонун расмий жыйынтыктарына каршы жапырт нааразылык акциялары беш күндөн бери уланууда. Башында милиция демонстранттарга суу бүркүп, желим ок, кулак тундуруучу граната жана көздөн жаш агызуучу газ колдонгон. Миңдей киши кармалды. Жабырлануучулар жүздөп саналат. Бир адам өлдү. RFE/RL радиосунун беларус кызматы ал 34 жаштагы Александр Тарайковский экенин аныктады. Расмий версия боюнча анын колунда ОМОНго каршы ыргытыла турган жардыруучу зат жарылып кеткен. Аялы буга ынанган жок.
Бейшемиде акциялар тынч өттү. Минскте бийликке нааразы кишилер колдоруна гүл кармап, миңдеген чакырым ”тилектештик чынжырына” тизилип турушту. Бир катар ири ишканалардын кызматкерлери митинг өткөрүшүп, жапырт иш таштай турганын билдиришти.
Президент Александр Лукашенко протесттерге көңүл буруп, эл алдына чыккан жок. Балтия өлкөлөрү жана Польша Лукашенкону “өз элине каршы күч колдонууну токтотууга” үндөдү.
Булак: NazarNews.kg
< Предыдущий
Следующий >
Последние новости
