Борбордук шайлоо комиссиясы мөөнөтүнөн мурда өтүүчү президенттик шайлоонун уюштурулуучу негизги иш-чараларынын календарлык планын бекитти.

Жыйында, тиешелүү мыйзамдарга ылайык, шайлоо аракеттеринин өткөрүлө турган мөөнөтү чейрек убакытка кыскартыла турганы белгиленди.

Ошондой эле аталган өнөктүккө катышууну каалаган талапкерлер 7-декабрга чейин (эң акыркы мөөнөт 6-декабрь, саат 24:00) БШКга тиешелүү документтерин тапшырышы керек.

Эске салсак, буга чейин комиссия президентти шайлоо 2021-жылдын 10-январында болорун айткан эле. Кийинчерээк бул датаны президенттин милдетин аткаруучу Садыр Жапаров да тастыктаган.

Булак: NazarNews.kg