Москва мэри Сергей Собянин коронавируска байланыштуу киргизилген чектөөлөрдү 31-майга чейин узартты. Бул тууралуу Калаа башчысынын жарлыгы анын сайтына жарыяланды.

"Соода түйүндөрү, коомдук тамактануучу жайлар, кызмат көрсөтүү тармактары, маданият, билим берүү, спорт, өндүрүштүк эмес тармактар жана өзүн-өзү изоляциялоо режими 2020-жылдын 31-майына чейин узартылды. Ресторан, театрларды ачууга али эрте", - деп Собянин өзүнүн блогуна жазган.

Акыркы маалыматтарга таянсак, Россияда илдетке кабылгандардын саны 177 160га жетти. Оорунун кесепетинен 1625 киши көз жумду.

Булак: NazarNews.kg