Сооронбай Жээнбеков 16-мартта кол койгон жарлыкка ылайык, Мухаммедкалый Абылгазиев мурда ээлеген кызматынан бошотулуп, президенттик аппараттын жетекчиси болуп дайындалды. Бул тууралуу президенттик аппараттын басма сөз кызматы маалымдады.

Мухаммедкалый Абылгазиев  өмүр баяны:

1968-жылдын 20-январында Нарын областынын Кочкор районундагы Дөң-Алыш айылында туулган.

1994-жылы К.И.Скрябин атындагы айыл чарба институтун, 1997-жылы Кыргызстан эл аралык университетин аяктаган.

Мамлекеттик кызматтын 3 класстагы мамлекеттик кеңешчиси.

ЭМГЕК ИШМЕРДИГИ:

1994-1995-жж.  - «Кыргызстан» финансылык-агроөнөр жай компаниясынын директорунун орун басары;

1995-1997-жж.  -  «Ажар» ЖЧКнын аткаруучу директору;      

1997-1998 –жж. -  Кыргыз Республикасынын Өкмөтүнө караштуу  Чакан жана орто бизнести колдоо боюнча  мамлекеттик фонддун эксперти;

1998-1999 –жж.- Биринчи май райондук калкты ишке  жайгаштыруу башкармалыгынын  начальниги;

1999-2003-жж.  -  Бишкек  шаардык калкты ишке  жайгаштыруу департаментинин директору;

2003-2009-жж. -  Кыргыз Республикасынын Социалдык фондунун начальниги, Аппарат жетекчиси, Башкармалыгынын мүчөсү;

2009-2010-жж. - Кыргыз Республикасынын Социалдык фондунун төрагасынын орун басары;

2010-2016 жж.-  Кыргыз Республикасынын Социалдык фондунун төрагасы;

2016-2017 жж.- Кыргыз Республикасынын Өкмөтүнүн биринчи вице-премьер-министри;

08.2017-09.2017-ж. - Кыргыз Республикасынын Президентинин кеңешчиси;

2017-жылдын 12-сентябрынан - Кыргыз Республикасынын Президентинин Аппарат Жетекчисинин биринчи орун басары.

2018-жылдын 16-мартынан - Кыргыз Республикасынын Президентинин Аппарат Жетекчиси.

Булак: NazarNews.kg